L plus H 非凡員工第五回

今時今日要將工業帶返香港,除了營運管理要革新,員工都要不斷求變,學習新知識。近日我們工場就有位工友非常好學,成日「痴住部電腦」,她就是數個月前成為生產助理的阿鑾。

阿鑾原本負責檢查已織好的衫片,屬於「手辦眼見工夫」的工作。由於熟悉工序流程,又懂基本電腦操作,工場主管於是推薦阿鑾擔任生產助理,負責處理日常生產數據,管理工場的 RFID (Radio-Frequency Identification) 系統。

工業全盛時期,阿鑾在梭織廠負責處理訂單。「以前所有嘢都喺手寫架,然後只需輸入電腦作簡單記錄,邊似得而家,有咁方便嘅軟件程式自動運算?」阿鑾憶述。雖然轉換崗位只有數個月,但阿鑾對系統管理、大量數據處理已完全掌握,甚至每月交給會計部作結算的報告,都應付自如,連我們的會計師都十分驚訝她的學習能力。

面對看似複雜的應用程式,究竟阿鑾如何迎難而上,探索這個陌生的領域及解答心中無數個問號呢?「返工就問同事,放工就問阿女。總之邊做邊學,有咩唔明就要問,一於『打爛沙盆問到篤』!」面對學習新事物的種種挑戰,她都從容面對。「我都鐘意學新嘢嘅,就算困難都會堅持,冇一刻諗過放棄!」

對於快將「入伍」的阿鑾來說,年齡完全不是一個學習障礙。蛻變並非年輕人的專利,只要有心,無論什麼年紀都可更上一層樓。

‪#‎LplusH‬ ‪#‎MadeInHongKong‬ ‪#‎香港製造‬


Size Chart